احزاب ونواب

ضياء بصل .. مشوار كبير من العطاء بصل : دعاء المرضي والبسطاء هي الحصانه الحقيقية وثقتي في وعي الدمايطه

ضياء بصل .. مشوار كبير من العطاء بصل : دعاء المرضي والبسطاء هي الحصانه الحقيقية وثقتي في وعي الدمايطه

Spread the love

ضياء بصل .. مشوار كبير من العطاء

بصل : دعاء المرضي والبسطاء هي الحصانه الحقيقية وثقتي في وعي الدمايطه

متابعة صوت بلدنا

عرفناه منذ عدة سنوات خادما لأهالي دمياط ، مجاملا لهم فيمناسباتهم ، مساندا لهم في قضاياهم وهمومهم ، لديه قبول نادر وطاقةلا تتوقف لخدمة الناس ، هاتفه لا يتوقف طوال اليوم بسبب اتصالات منالكثيرين تلجأ له في طلب شخصي ، أو مساعدة محتاج ، أو الوقوفبجوار مريض ، مشوار من العشق لدمياط وأهلها عاشه ضياء علي بصلالذي أعلن ترشحه لانتخابات مجلس النواب ليستطيع تمثيل المحافظةوأهلها وتحقيق طلباتهم لدي الجهات المعنية .
طرحنا بعض الأسئلة علي ضياء علي بصل تحمل بعض استفسارات وأسئلة البعض ، في حوار لا تنقصه الصراحهرالوضوح والتلقائية .

كنت فين من زمان ، وليه جاي تترشح دلوقتي رغم أنك مش موجود في دمياظ ولا عايش فيها ؟

أولا ، تواجدي المستمر في دمياط في فترة من الفترات سببلي مشاكل مع النواب ، وصدام مستمر معاهم دفعتتمنه كتير في شغلي ومستقبلي ، فكان لازم أراعي النقطه دي احتراما وتقديرا ليهم ، ثانيا ، من اكثر من 25 سنهوأنا في العمل الاجتماعي والعمل العام والخدمي وده بيحتاج علاقات بالتأكيد معظمها في القاهرة ، ومفيش حدطلبني في أي حاجه واتأخرت عنه ، لكن بحكم عملي في القاهرة بخدم الناس وبعلاقاتي اللي كونتها من تاريخطويل من الاحتكاك سواء بالوزرارات أو بالمستشفيات والأطباء ، والتواجد مش شرط خالص لخدمة الناس والدليلإن فيه نواب كتير مقيمين في دمياط والناس لا كانت بتشوفهم ولا بيردوا علي التليفون ، يعني المهم مش الاقامةفين ؟ الأهم إنك تقتنع إن فيه مسئولية وأمانة لازم تقوم بيها تجاه أهلك وناسك ، وتكون خادم لكل واحد فيهم طولالوقت وتسعي لتلبية أي طلب لمواطن مهما كان ومتتاخرش عن حد أبدا ، وافتكر ان اللي اتعاملوا معايا عارفين قدإيه أنا عايش معاهم لحظة بلحظة ، يعني محدش يقدر يقول انت مختفي وجاي دلوقتي تترشح ؟؟ لاني لا كنتمختفي ولا توقفت عن خدمة الناس لحظة طول عمري ولحد دلوقتي

وحضرتك هتترشح عن حزب ايه ولا انتماءك السياسي ايه ؟

انا نازل انتخابات وبالتاكيد هدفي انجح واجتاز المنافسه الشريفه قصاد السادة اللي نازلين في الدايره ، وعمري ماسعيت لمنصب حزبي ولا كان ليا انتماء سياسي ، انا ضياء بصل ابن البلد دي اللي بيحبها ونفسي اشوفها احسن بلدفي الدنيا وناسها عايشين مرتاحين ، وقضيت طول عمري في خدمة الناس طمعا في رضا ربنا ودعاء حد مريض اومحتاج ، وأي مرشح بالتاكيد بيحدد طريقة خوضه الانتخابات عشان يقدر يفوز بيها ، وإن شاء الله ربنا يوفقني وأقدرأتشرف بإني أكون نائب عن دمياط وخادم لأهلها

بس حضرتك نزلت كذا مرة الانتخابات ومش بيحصل نصيب ، ليه قررت تنزل المرة دي ؟

اي مرشح بياخد قرار انه يترشح ، لكن مش هو اللي بيحدد الظروف والاجواء السياسية ، وانا خضت الانتخابات فيوقت مصر كانت بتعيش ظروف ملهاش علاقة بالصندوق الانتخابي وكان فيه اعتبارات تانية اكيد كلنا عارفينها وعشناها، واكيد ده اكسبني خبرة اكتر واصرار علي اني احقق طموحات الناس وثقتهم ، وقررت إني اترشح المرة دي لأني حاسسإن الصندوق ليه اعتبار واللي هيختاره الناس هو اللي هيكون نائب وواثق ان الناس عارفه مين ضياء بصل اللي مشيفي كل شارع في دمياط وقعد علي كل قهوه مع الناس ووسطهم وعمره متاخر عن خدمة مريض ولا محتاج

يعني حضرتك كنت بتخدم الناس عشان تبقي نائب مش لوجه الله

عشان اقدر أخدم الناس لازم صلاحيات وسلطة أقدر بيها ألبي طلباتهم وأنقل مطالبهم وآراءهم عند المسئولين في الدولة ،وده مش ممكن يتحقق بالشكل المطلوب الا اذا كنت مندوب رسمي عن المحافظة وممثل لها باختيار الناس ، ولازم نعرف انالمرشح اللي بينجح بأصوات الناس لازم يفضل خادم لهم ولازم يصون الأمانة لانه عارف ان الناس اللي جابته وهي نفسالناس اللي لما يقرر ينزل الدورة اللي بعدها هيقولوله شكرا .

ايه علاقتك بالنواب الحاليين في المحافظة ؟

علاقتي بيهم طيبة جدا وبكن ليهم كل احترام وتقدير ، كل واحد فيهم اجتهد قدر استطاعته وفي النهاية الناس هي الليهتقيم وتختار وتقرر انها تختاره تاني أو يقولوله كفايه عليك كده .

ايه برنامجك الانتخابي ؟

برنامجي الانتخابي هو كل حياة المواطن الدمياطي ، الناس فعلا تعبانه ، وصناعة الاثاث فيها مشكلة كبيرة ولازم يكونفيه حلول لا تنفصل عن الناس ، لازم نحدد المشكله عشان نقدر نحلها ، ولازم ترجع دمياط وصناعها زي ما كانوا بقراراتتوصل لكل واحد فيهم وتراعي ظروف الصانع البسيط الغلبان قبل الميسور والمقتدر ، لازم لجنة علي مستوي عال تنزلدمياط وتسمع لصناعها وأهلها وتعرف مشاكلها منهم هما وازاي تتحل وتتحل ازاي ؟ وبعد كده مسئولية الدولة انهاتحقق ده ، ومسئولية النواب انهم يتابعوا تنفيذ القرارات دي لحد ما الازمة دي تعدي ، أكيد فيه عدم رضا عن حالةالمستشفيات والتعليم والطرق وحاجات كتير قوي بتمس حياة الدمياطي رغم جهود الحكومة الواضحة في بعضالقطاعات ، لكن المواطن الدمياطي يستحق حياة أفضل ، وتتحسن أحواله

ونعرف منين انك لما تنجح مش هتروح تقعد في القاهرة وتسيب أهل الدائرة

أولا وجودي في القاهرة بحكم عملي ، ولما أكون نائب هيكون عندي مسئولية لازم اقوم بيها ، وتواجدي وسط الناسوتلبيتي لمطالبهم ، واشاركهم مناسباتهم ، الانتخابات دي عقد بين المرشح والمواطن اللي من حقه في النهايه فسخ العقد في نهاية المدة مع المرشح اللي انتخبه.

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى