مقالات

مجرد رأي … لمعتز الشربيني

مجرد رأي ... لمعتز الشربيني

Spread the love

مجرد رأي

بقلم – معتز الشربيني

الحقيقة احنا احتارنا نرضى مين ولامين مغيش حاجة بتعجب المشاهد ابدا رغم كم البرامج والمسلسلات الرمضانية

نعمل اعلان عن مدينتى علشان نقولكم عندنا طرق تنافس طرق المانيا تقولوا احنا بنكح تراب والناس دى بتتريق علينا واغلبنا ساكن فى عشوائيات .. عملنا اعلان عن قطونيل قولتوا اخده بالها من بوكسرات ابن الجيران .. نعمل اعلان عن نادى سيتى علشان نقول عندنا نادى فيه كل حاجة وتقدر تاكل فيه اسكلوب باني من غير ماتدفع الف جنية تقولوا الناس بتدور على لقمة العيش مش نادى وترفيه .. نعمل برنامج ترفيهى زى رامز جلال تقولوا رامز مجنون رسمى وعايز مستشفى الأمراض العقلية وكل ضيوفه اخدين تمن الحلقة وعارفين ايه اللى هيحصل نغير .. ونقول برنامج فيفى عبده تقولوا بلاقرف

طيب عملنا مسلسل فرصة تانية تقولوا متفصل على مقاس ياسمين صبرى وتقريبا كل ابطال العمل معندهمش كرامة فى الحب طيب نعمل مسلسل خيانة عهد تقولوا فى ندالة زى كده خالة بتخلى ابن اختها يضرب وتتظاهر بحبه بلاش خلينا نقول عملنا مسلسل فكر جديد اللى هو النهاية تقولوا محدش فاهم حاجة  يعنى من الاخر كلكهم متفقين على مسلسل الاختيار ان هو ده اللى حلو  اية الوطنية دى وحب الجيش اللى جواكم ده

المواطن…

بصراحة كل حاجة فى التلفزيون مش عجبنا وحاسين انها اتعملت من غير دراسة ووعى وكان لازم يكون فى دور للهيئة الوطنية للاعلام ومتابعة اللى بيحصل على الشاشة الصغيرة لان كان مفروض يكون فى حاجات تخاطب عقل المشاهد على مستوى مسلسل الاختيار  مش مجرد سبوبة فى رمضان ونبطل نعمل اعلانات بتخاطب فئة معينة وتستفز الناس.

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى