مقالات

سد النهضة يا جماعة.. قولااا واحداااا

سد النهضة يا جماعة.. قولااا واحداااا

Spread the love

سد النهضة يا جماعة.. قولااا واحداااا

كتب سميرة حسن 

سد النهضة يا جماعة.. قولااا واحداااا “مش هيكتمل ولا يخزن ولا يشتغل بفرض سياسة الامر الواقع…

وكل الحكاية ان مصر بتحترم القانون الدولي لاخر لحظة..

وفي اتفاقيات من زمان وموقعة عليها اثيوبيا بعدم الحاق اي ضرر بدول المصب.والسبب في تعنت الاثيوبيين واللي مقوي قلبهم اطراف احنا عارفينها..

ومصر لو ضربت السد دلوقتي.. ببساطة اثيوبيا هتقول احنا ماسببناش اي ضرر لمصر ولم نخزن مياه ولم يتم تشغيل السد وان مازال مجرد انشاءات على اراضينا لم تضر اي دولة..وبالتالي هتقاضينا وهيكون في عقوبات اقتصادية احنا في غنى عنها دلوقتي..

لكن…… بمجرد البدء في اي اجراء من شأنه ان يلحق ضرر بمصر وحصتها في المياه هيكون في كلام تااااااني خالص ويبقى وقتها عدانا العيب ومحدش يقدر يقاضينا او يوقع علينا اي عقوبات..

لانه وقتها هيكون من حقنا منع الضرر دا ولو بالقوة العسكرية.. والقانون الدولي والاتفاقيات بتدينا الحق دا…

واللعب دلوقتي على اكثر من جبهة اهمهم الجبهة الداخلية…الجيش واقفلهم عقبة في كل الجبهات..

سيناء وتم تطهيرها ومتأمنة ولها جيوشها..والبحر المتوسط اصبح بحيرة مصرية والجبهة الغربية مع ليبيا قريبا جدا هننتهي منها..

وطوق النجاة لهم ولمشروعهم الخسيس هو تفتيت الجبهة الداخلية واثارة الفتن في الداخل وضرب الروح المعنوية والتشكيك في قدرات الجيش ومحاولة احداث وقيعة كبرى بين الشعب والجيش..

ودا مش هيحصل ابداااااااا…

خلي بالك انت جندي في المعركة وربما تكون انت الجندي الاهم في هذه المرحلة..ولو ما قدروش علينا كشعب يبقى احلامهم تحطمت تماااااماااا وهم مش هيفكروا بس يهزروا مع الجيش بشكل مباشر… ابداااا..

وعايز اقول كلمة لضباط المخابرات الاثيوبيين اللي موجودين هنا في سفارتهم وبشكل معلن زي اي دولة.. والي مهمتهم دلوقتي قياس نبض الشارع المصري وموقفه من قضية السد..

مش شرط ابدا ان السد يتم ضربه عسكريا بضربات مصرية… لا خالص على فكرة..انتوا مرة صحيتوا من النوم لقيتوا مدير المشروع مقتول ولسه معرفتوش مين قتله..

ممكن جدا تصحوا ما تلاقوش السد.. ويبقى منكوا فيكوا واحنا مالناش دعوة خالص…وانتوا عندكوا مشاكل كتير وناس بتضرب في بعض هنا وهناك.. فماتضمنش مين هيعمل ايه… واخد بالك معايا؟؟؟!!!

واللي بقوله للمصريين…السد دا لولا 2011 مكنش هيتبني فيه طوبة واحدة…وطبعا انتوا شفتوا دلوقتي المخطط الصهيو تركي قطري واتضحت الصورة وان المخطط لنا كان اصعب من المصير السوري والليبي.. علشان ينهبوا كنز غاز المتوسط.ومكنش ينفع نفتح كل الجبهات علشان هم كانوا منتظرين اللحظة دي..

بل وتظاهرنا بالسقوط لنتفادى السقوط ثم ننقض على من حاولوا اسقاطنا..احنا شعب مصر الواعي جدا والواثق في قيادته في اصعب الاوقات اللي مرت علينا ولن تنالوا منا ولن نكون يوما خنجر في ظهر جيشنا الوطني..

حفظ الله مصر.. حفظ الله الجيش..

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى