تقارير وتحقيقاتمقالات

تحذير جاد جدا ومش هزار .. الوضع في البحر المتوسط بقي متأزم بشكل كبير

تحذير جاد جدا ومش هزار .. الوضع في البحر المتوسط بقي متأزم بشكل كبير

Spread the love

تحذير جاد جدا ومش هزار .. الوضع في البحر المتوسط بقي متأزم بشكل كبير

صوت بلدنا

تحذير جاد جدا ومش هزار .. الوضع في البحر المتوسط بقي متأزم بشكل كبير و احتمالية حدوث صدام بحري و جوي في البحر المتوسط بين مصر و تركيا ،احتمالية كبيرة خصوصا بعد تصريحات المجنون التركي انه هيرسل قوات تركية الي ليبيا يوم ٧ يناير ٢٠٢٠ .

احنا كمواطنين لازم نكون مستعدين نفسيا علشان لما مصر هتنوي تضرب ، هتضرب جامد وضربات توجع و تقطع ايد تركيا وحلفائها عن العمق الاستراتيجي المصري في البحر المتوسط.

وقت الحرب ، الاستقرار الداخلي هو اهم شئ ، صانع القرار المصري هيكون مركز بشكل كبير علي ادارة مسرح المعركة و علي تأمين الحدود في البحر المتوسط و سينا و الاتجاه الليبي والجانب الجنوبي.

ده غير مسرح الاحداث في اثيوبيا .دورنا احنا بقي اننا نخلي الوضع الداخلي اكثر استقرارا وقت الحرب اي شخص مش مع الجيش المصري لا يطلق عليه الا (خاين) ايوااااا متقولش عليه الا خاين .

– الخونة الاخوان اعوان تركيا ، هيحاولوا يعملوا قلائل و يهدوا الاسقرار الداخلي المصري بمظاهرات بقي او بعمليات ارهابية او بتهييج الرأي العام …الخ .علشان كده وقت الحرب اي خاين تلاقيه حاطط علم تركيا بلغ عنه السلطات وفورا

–  اي خاين بيطلع اشاعات او بيشكك في قدرات الجيش المصري تصدي ليه و فورا ، انت كمواطن مصري ، انت حائط الدفاع الاول عن مصر ، و دورك مهم بالظبط زي دور المقاتل المصري اللي في خط المواجهة مع العدو.

–  اي دعم مادي او معنوي للعدو التركي لازم تقف ضده ، و تمنعه بكل قوة سواء دعم معنوي علي السوشيال ميديا او غيره.

–  الجزيرة و اعلام الاخوان هينشروا اشاعات كتيرة جدا هدفها هدم الروح المعنوية المصرية متصدقهاش وثق في القيادة المصرية

– هيظهر نوع كده من الناس لونه رمادي الناس دي ممكن تكون اسوء من الاخوان و العدو نفسه ، اللي هم مش مع مصر ومش ضد تركيا صراحة ، الناس دي هيتسببوا في شق الصف احترس منهم ومن ارائهم جدا

–  الخونة ممكن يتسببوا في استشهاد حد من عيلتك او صحابك او اي شخص غالي عليك ،علشان كده متتهاونش مع الخونة و تصدي ليهم بحزم الخونة ولائهم لتركيا و هيحاولوا يخربوا الداخل المصري بأي وسيلة ، واحنا مش هنسمح بده

– وقت السلم اختلف وعارض كما شئت مع القيادة السياسة ، لكن وقت الحرب مفيش غير الدعم المطلق للجيش المصري و القيادة المصرية .

– لو انت تاجر اتقي الله ومتخبيش البضاعة علشان تبعها اغلي و تكسب اكتر .

– ولو انت مواطن اهدي و متجريش علي السلع و تخزنها ، لانك هتصنع طلب ممكن يؤدي لأزمة في المستقبل .

الوضع الجيوسياسي غير مستقر و محدش قادر يتنبأ الموضوع هيحصل فيه ايه و استفزازات تركيا دي هتوصلنا لايه ،

اتمني ميحصلش اي حاجة من البوست ده ، بس احنا لازم نستعد و نستعد جدا كمان .ربنا ينصر مصر و اهلها.

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى